प्रेस मीडिया वृत्तसेवा : निपाणी तालुका प्रतिनिधी
निपाणी : बंगळूरु येथे छत्रपती शिवाजी महाराज यांच्या व बेळगाव येथे क्रांतिवीर संगोळी रायन्ना यांच्या पुतळ्याची विटंबना झाल्याच्या निषेधार्थ आज निपाणी शहरात सर्व पक्षीय कडकडीत बंद पाळण्यात आला.मध्यवर्ती शिवाजी चौक येथील शिवपुतळ्याला दुग्धाभिषेक व विधिवत पूजा झाल्यानंतर हजारो शिवप्रेमींच्या उपस्थितीत निपाणी शहरातून मोर्चा काढला.
मोर्चाच्या अग्रभागी बाल शिवाजीच्या रूपातील विराज पाटील हा चिमुकला होता. व अन्य पाच मुली भगवा ध्वज घेऊन मोर्चाच्या अग्रभागी होत्या. मोर्चात हजारोंच्या संख्येने शिवप्रेमी उपस्थित झाले होते. या मोर्चाला माजी मंत्री विरकुमार पाटील, माजी मंत्री काकासाहेब पाटील, माजी आमदार प्रा. सुभाष जोशी, यांच्यासह सर्वपक्षीय नगरसेवक, मान्यवर हजारो शिवप्रेमी मोठ्या संख्येने उपस्थित होते.