प्रेस मीडिया लाईव्ह :
मुरलीधर कांबळे :
कोल्हापूर/ तुरंबे - राधानगरी तालुक्यातील माजगाव येथे रहात असलेल्या अनिकेत भिमराव कांबळे (वय 25) याचा लोखंडी रॉड डोक्यात मारुन केला.ही घटना मंगळवारी (ता.14) रोजी रात्रीच्या सुमारास घडली होती.बुधवारी सकाळी शेताकडे जाणारयां नागरिकांना शेतात अनिकेतचा मृतदेह निदर्शनास आला. हा खून अनैतिक संबंधातुन झाल्याची शक्यता वर्तविली जात आहेत.पोलिसांनी आरोपीच्या शोधासाठी पथके तयार करून रवाना केली आहेत.घटना स्थळी ग्रामस्थांनी गर्दी केली होती.या घटनेने गावात तणाव पूर्ण शांतता होती.
अधिक माहिती अशी की,यातील मयत अनिकेत हा सेंट्रिंगची कामे करत होता. मंगळवारी रात्री आपली दुचाकी घेऊन घरा बाहेर पडला होता.त्या नंतर तेथील नागरिकांना बुधवारी सकाळी अनिकेतचा मृतदेह शेतात आढ़ळुन आला .त्याच्या आसपास खाण्यासाठी आणलेले आणि दारुच्या बाटल्या पडल्या होत्या.या घटनेची माहिती राधानगरी पोलिसांना समजताच घटना स्थळी येऊन पहाणी केली. अनिकेतचा खून हा अनोळखी व्यक्तीने पाठीमागून येऊन हल्ला करून त्याच्या डोक्यात लोखंडी रॉडचा जोरात घाव लागला असण्याची शक्यता पोलिसांनी वर्तवली असून या घटनेचा पोलिस अधिक तपास करीत आहेत.