लाख रूपयांची लाच घेताना पोलीस उपनिरीक्षक जाळ्यात, पोलीस दलात खळबळ



प्रेस मीडिया लाईव्ह :

 सुनील पाटील

 २ जून २०२२  लाचेचे प्रकार दिवसें दिवस वाढतच चालले आहेत. चाळीसगाव तालुक्यातील मेहुणबारे पोलीस ठाण्याचे पोलीस उपनिरीक्षकाला लाचेची मागणी भोवली आहे. पोलीस ठाण्यात दाखल गुन्ह्यात मदत करण्याच्या मोबदल्यात १ लाख रूपयांची लाच घेताना पोलीस उपनिरीक्षक योगेश ढिकले यास आज लाचलुचपत विभागाने रंगेहात अटक केली आहे. या करवाईमुळे पोलीस दलात  जोरदार खळबळ उडाली आहे.

नेमका काय आहे प्रकार..?

तक्रारदार यांच्याविरोधात मेहुणबारे पोलीस ठाण्यात गुन्हा दाखल करण्यात आला असून या गुन्ह्यातील कागदपत्रांमध्ये मदत करून चार्जशिट लवकरात लवकर पाठवून गुन्ह्यात मदत करण्याच्या मोबदल्यात मेहुणबारे पोलीस ठाण्याचे पोलीस उपनिरीक्षक योगेश जनन्नाथ ढिकले (वय-३२) यांनी ४ लाख ५० हजाराची मागणी केली होती.तडजोडी अंती १ लाख रूपये देण्याचे ठरविले होते.

 दरम्यान, तक्रारदार यांनी जळगाव लाचलुचपत विभागाशी संपर्क साधून माहिती दिली. त्यानुसार खात्री करण्यासाठी लाचलुचपत विभागाने गुरूवार २ जून रोजी सापळा रचून पोलीस उपनिरीक्षक योगेश ढिकले याने १ लाख रूपयांची रक्कम घेतांना रंगेहात पकडले आहे. याप्रकरणी मेहुणबारे पोलीस ठाण्यात गुन्हा नोंदविण्याचे काम सुरू होते.

लाचलुचपत विभागाचे पोलीस उपअधिक्षक शशिकांत पाटील यांच्या मार्गदर्शनाखाली पोलीस निरीक्षक संजोग बच्छाव, पोलीस निरीक्षक एन.एन.जाधव, सहाय्यक फौजदार दिनेशसिंग पाटील, सहाय्यक फौजदार सुरेश पाटील, पोहेकॉ अशोक अहीरे, पोहेकॉ सुनिल पाटील, रविंद्र घुगे, महिला पोहेकॉ शैला धनगर, पोना मनोज जोशी, जनार्धन चौधरी, सुनिल शिरसाठ, प्रविण पाटील, महेश सोमवंशी, नासिर देशमुख, ईश्वर धनगर, प्रदिप पोळ या पथकाने कारवाई केली

Post a Comment

Previous Post Next Post