प्रेस मीडिया लाईव्ह :
खतिब अब्दुल सोहेल : प्रतिनिधी :
अर्धापूर शहरातील प्रत्येक पान टपरी येथे अवैध गुटखा, पान मसाला आणि सुगंधित तंबाखूची बिनदिक्कतपणे विक्री होत आहे. अनेक पानटपरी चालक गुटख्याच्या पाकिटांची छुप्या पद्धतीने विक्री करतात, तर काही पानटपरी चालक खुलेआम गुटख्याची विक्री करताना दिसतात. अनेक टपरी चालक पोलिसांच्या व गस्तीवर असलेल्या पोलिसांच्या संपर्कात असल्याने गुटखा विक्रीचा धंदा बिनबोभाट सुरू असल्याचे सांगण्यात येत आहे.
प्रशासनाच्या दुर्लक्षामुळे शहरात गुटखा विक्रीसाठी सहज उपलब्ध होत आहे. शहरात कोठून गुटखा दाखल होत आहे, याचा सुगावा पोलिसांना अद्याप लागलेला नाही. गुटखा तस्करांकडून गुटखा पानटपरीवर पोहोचतो आणि शहरातील प्रत्येक पानटपरीवर विक्रेत्यांना गुटखा मिळतो. बसस्थानकांसह शासकीय कार्यालयांच्या १०० यार्ड परिसरात गुटख्याच्या विक्रीवर बंदी असतानाही अनेक दुकाने आणि किराणा दुकानांवर गुटख्याची पाकिटे विक्रीसाठी उपलब्ध आहेत. विशेष बाब म्हणजे पोलीस ठाणे किंवा तहसील कार्यालयाजवळ खुलेआम गुटख्याची विक्री होत असली तरी कारवाई करण्याऐवजी अधिकारी मूग डाळ बघून गिळण्याची भूमिका बजावत असल्याने त्यांच्या कार्यशैलीवर प्रश्नचिन्ह निर्माण झाले आहे.
दरम्यान, काही दिवसांपूर्वी स्थानिक गुन्हे शाखेच्या पथकाने मोठ्या प्रमाणात गुटखा जप्त केला होता. मात्र आताही गुटख्याची मोठ्या प्रमाणात विक्री होत असल्याने आश्चर्य व्यक्त केले जात आहे. एकीकडे गावे नशामुक्त करण्यासाठी प्रयत्न सुरू आहेत, दुसरीकडे शहरात तंबाखूची विक्री होत असल्याने व्यसनमुक्ती मोहिमेचा काहीही उपयोग होणार नाही. यासाठी आता मोठे पाऊल उचलण्याची वेळ प्रशासनावर आली आहे.